Os
recordos que constrúen a nosa identidade as veces non nos pertencen,
son froito das persoas que coñecemos, das vivencias escoitadas, dos
lugares, os sabores ou incluso as lecturas que nos impactan. Como a
poesía, que cando se nos agarra dentro pode tomar vida propia, allea
ó seu autor e destino inicial. Esta é a idea que desenvolveu o
obradoiro de literatura e audiovisual do IES Poeta Díaz Castro para
facer a curtametraxe Os camiños esquencidos, unha
ficción dirixida por Cristina de la Torre sobre Xosé María Díaz Castro, a quen este ano se lle dedica o Día das Letras Galegas.
A
película, foi desenvolta durante todo o curso cun grupo de trinta
rapaces e rapazas da ESO e dentro dos contrato programa da
Consellería de Cultura e Educación, foi gravada no mes de abril
incluindo, ademais da ficción, recreacións históricas e
representacións de danza, coa intención de explorar novas
perspectivas no achegamento ó poeta dos Vilares por parte dos
xóvenes estudantes de Guitiriz. Foi un traballo de construcción
creativa e sobre todo, un esforzo de produción no que se implicou
toda a comunidade educativa e para o que o Instituto, recibiu tamén
unha axuda do Área de Cultura da Deputación de Lugo.
Para saber máis detes e outros proxectos relacionados pincha aquí
Ademais
da proxección da curtametraxe, durante o acto alumnos dos diferentes
centros participantes leron versos do poeta.
Para saber máis detes e outros proxectos relacionados pincha aquí
Tamén
presentaronse tres novas cancións: Esmeralda,
Visperas e Remuíños compostas
por Sandra Tenreiro e interpretada polos seus alumnos de música do
insti.
Por último presentouse o roteiro “Tralas pegadas de Díaz Castro. Un roteiro
interactiva pola poesía, o lugar e a persoa “ seleccionado
na Convovocatoria de proxectos escolares EducaBarrie 2013-2014 no que
está traballando o alumnado e profesorado do IES e que pronto estará
a vosa disposición na rede.
Comentarios
Publicar un comentario