Na busca das estrelas da nosa
Constelación Lectora.
Hoxe o alumnado da materia de Proxecto Competencial, camiñou polo pobo, buscando a dúas estrelas, que marcan puntos no mapa da nosa Constelación Lectora. Son puntos de lectura con recursos compartidos desde a Biblioteca do Poeta Díaz Castro, puntos de lectura para a veciñanza, abrindo aínda mais as portas da biblioteca do instituto á comunidade.
 |
| Equipo Kpaces con Paqui, unha das estrelas desta Constelación Lectora en Guitiriz. |
O equipo da biblio KPACES, saiu a falar con Ana na Ferretería (Ferretería de Amador) e tamén con Paqui na súa floristería-invernadoiro. Estes negocios acolleran dous dos puntos de lectura, empréstitos e devolucións, mais accesibles para a veciñanza, nos que poden ademais facernos solicitudes.
 |
| Diante da Ferretería de Amador, logo de falar con Ana, a nosa segunda estrela lectora. |
Paqui, xa ten experiencia como colaboradora no centro en diversas actividades e tamén no Club de Lectura de adultxs. Hoxe contábanos como lle gusta ler os libros, para así orientar aos veciños, por si queren levar unha lectura, da caixa do Club de Lectura que alí ten, ademais das frores e prantas preciosas que ten a venda.
Que marabilla ir buscar sementes de frores para o xardín e que Paqui nos axude a dinamizar lecturas.
Pronto montaremos o punto de lectura destas dúas estrelas en Guitiriz pero tamén en Parga, a estrela desta Constelación é grazas a Fernando no seu Café Bar O Recreo, agardamos levar un expositor con recursos da Biblio Poeta Díaz Castro, antes de que remate este mes. Varios alumnos que participan no equipo KPACES encargaranse de poñelo a funcionar alí.
O Biblio Equipo KPACES ten moito traballo por diante para dinamizar estes recursos da Constelación Lectora. Será mais doado grazas a Ana, Paqui e Fernando! Grazas!. Confiamos en que antes de finais de mes, este puntos iluminen estes establecementos e á veciñanza dos seus arredores con lecturas para To2
Facendo Biblioteca desde o IES Poeta Díaz Castro.!
Comentarios
Publicar un comentario