Entradas

Son quen de... Cantando a Xela Arias.

Imagen
  Son quen de...Xela Arias Proposta musical para a conmemoración das Letras Galegas 2021 Meu querido tapabocas, se pensabas que podías   calar as nosas ganas     de cantar a Xela Arias, que errado estabas meu amigo!! Podes taparnos a boca pero non as ganas de celebrar esta festa. Hoxe desde a BIblio do IES Poeta Díaz Castro, enviamos esta proposta didáctica, poética e musical  composta pola profesora de música Sandra Tenreiro Doldán , para que teñamos un tema diferente co que cantar a Xela nesta semana...e sempre.  Con catro acordes; Am, F, C e G e unha base rítmica constante, enviamos este tema co que podedes cantar,   acompañar con diferentes instrumentos e mesmo seguir con percusión corparal, engadir novas voces...     Sodes quen de cantala? Si é así, agardamos que compartades con nós a experiencia.

SINGALA. A LINGUA GALEGA. UNHA OPORTUNIDADE

Imagen
  Manuel Núñez Singala A LINGUA GALEGA: UNHA OPORTUNIDADE  O alumnado de 2º de Bacharelato recolle unha fonda reflexión tras a visita de Singala. Aquí  deixamos esta pegada.     O pasado 22 de abril o alumnado de 4º de ESO e 2º de Bacharelato asistimos a unha conferencia sobre normalización e prexuízos lingüísticos da man de Manuel Singala, filólogo e director do Servizo de Normalización Lingüística da Universidade de Santiago de Compostela desde 1988. Ademais, no eido literario conta con varias obras de teatro, ensaio ou narrativa.   Para comezar, atopámonos cun formato de presentación e xeito de abordar o tema moi diferente ao que estabamos acostumados. Falou de diferentes aspectos á volta da lingua galega dunha forma moi orixinal, xa que mediante ideas que, nun principio, non deberían ter ningunha relación coa temática conseguiu facernos reflexionar sobre a situación do galego . A seguir destacamos dous.   Por exemplo, preguntounos: “Se vos dan a escoller entre ir d

Clubs de lectura diversos

Imagen
A andaina de lecturas e postas en común segue aos poucos. A sección de poesía (alumnado de BAC) tivo unha reunión o 12 de marzo, na que se cuestionou que era poesía e que non, ademais de achegarse á obra de Xela Arias .   Este ano o departamento de inglé s, entre outras actividades dinámicas nos recreos, promoveu un clube de conversa  para alumnado e profesorado sobre distintos aspectos da cultura da India , de onde vén Prachi, a auxiliar de conversa. Entre outras cuestións abordouse a situación da muller, as crenzas e tradicións, o sistema de castas, a arte (danza, arquitectura, música...) e mesmo se puxo en relación a Rosalía de Castro e a Rabindranaz Tagore... Canto proveito tiramos destes pequenos tempos de lecer! Distintas sesións do clube de conversa en inglés. Grazas Prachi e Sabela 😄, por achegarnos á India E isto non é todo, amig@s... xa vos iremos contando, que vén maio de versos cuberto! 

CREAcción Día do Libro 2021 Cap. 2 " Ollo ao dato"

Imagen
CREAcción da curta  " Ollo ao dato" Cap. 2 Como tiñamos prometido, hoxe estreamos o Cap.2 da serie " Non todo é branco ou negro" (cine mudo) titulado "OLLO AO DATO" . Se o anterior capitulo, publicado o 13 de abril no blog, foi adicado a unha reflexión sobre a biblioteca que queremos ter e a importancia de facer que sexa un punto de encontro  e diversidade atendendo as necesidades dos seus usuarios, nesta segunda entrega, facemos referencia a inclusión e atención a alumnado con necesidades específicas. Neste  2º capítulo o alumnado do segundo curso da ESO do grupo B, conta a historia dunha rapaza a que lle gustan as matemáticas pero como  ten problemas coa súa agudeza visual, precisará a axuda do noso Charles Chaplin; un compañeiro empático que busca recursos para poder axudala. Novamente toda a música utilizada forma parte dos recursos que temos na nosa biblioteca, un xeito ameno de achegarse a coñecer e entender diferentes estilos. No cap. 1 "

CREAcción Día do Libro 2021 " Isto non é unha biblioteca"

Imagen
  Isto non é unha biblioteca   Abril 2021, reflexións para o Día do Libro Isto non é unha biblioteca . O alumnado de 2º da ESO, na materia de música, estivo traballando o cine mudo e as posibilidades da linguaxe musical para expresar mensaxes e diferentes emocións, sen o recurso do diálogo . Estes alumnos que viviron o curso pasado o confinamento lonxe dos compañeiros e sen convivir na súa biblioteca, tiñan agora unha misión, coñecer a súa biblioteca e enviar unha mensaxe ao resto de compañeiros. Que ofrece este espazo ou que queremos ofrecer. O que foron as bibliotecas e o que queremos que sexan. Como transformala e que aspectos debemos ter en conta.  Este traballo audiovisual  que fixeron, forma parte dunha serie que chamamos  " NON TODO É BRANCO OU NEGRO" .  Reflexións sobre a diversidade, igualdade e inclusión  nas aulas e tamén na biblioteca escolar. Esta proposta fixo que se mergullaran neste espazo e que reflexionasen sobre a biblioteca que queren ter ao tempo que
Imagen
 Rosalía e a Lingua Materna. Conmemoración no IES Poeta Díaz Castro Unhas semanas cheas de reflexións a través da obra e a persoa. Días conmemorando e recollendo as aportacións e inspiracións de alumnado e profesorado para facer grande esta Festa da Lingua. Alumnado de 4º ESO FP Básica e 4º ESO O pasado 24 de febreiro cumpríronse 184 anos do nacemento de Rosalía de Castro. Esta  data ten un estreito vínculo co 21 de febreiro, en que se celebra o Día da Lingua Materna  establecido pola UNESCO desde o 2000.  Alumnado de 3º da ESO Para pór en valor as linguas, a súa riqueza e respecto pola diversidade cultural, para alén de resaltar a figura desta escritora, que foi precursora no uso da súa lingua materna na súa escrita, o alumnado e profesorado do centro decidimos ler e recitar textos, poemas e versos dalgunhas obras de Rosalía de Castro en varias linguas: galego, castelán, inglés, francés, hindi, alemán e portugués.   O profesorado recitando activamente en diferentes línguas.  Tamén fi

Retos matemáticos. Math Quiz O epicentro da biblioteca

Imagen
  O epicentro da biblioteca MATH QUIZ Un ano máis, no tempo de lecer, só os máis astutos resolven os enigmas propostos polo profesorado do departamento de matemáticas que colabora coa biblioteca activamente. Achégate a este epicentro matemático e descubre as novidades matemáticas. Si ademáis tes a mente despexada, intenta resolver algún enigmatemático. Así andan as puntuacións!!