PREMIO NACIONAL AL DESARROLLO DE COMPETENCIAS DE LECTOESCRITURA Y AUDIOVISUALES 2015

jueves, 26 de diciembre de 2019

Naturpoemas; música, poesía e material de refugallo.




Naturalmente Nadal   

Alumnas de 1º ESO

O concurso de Naturpoemas organizado pola Biblioteca e departamentos colaboradores, entregaba este pasado venres os premios na pequena gala artística musical que despedía o ano e o primeiro trimestre.

                                                               Alumnado de 3º ESO


Os rapaces tiñan que crear poemas que puxesen en valor o medioambiente e un Nadal non consumista, na liña do proxecto anual "Alixéirate". Ademais tiñan que presentalos de forma creativa en material de refugallo.Abaixo tedes aos protagonistas creadores destes artefactos poéticos, cheos de mensaxes que falan dun 2020 con novas accións e cambios de hábitos de consumo.

                                                          

Ademais disto, o alumnado de música traballou a fondo estas dúas últimas semanas para poñer música a unha peza, creada, utilizando tódolos naturpoemas elaborados nas aulas polos compañeiros participantes. Chamamoslle "Agasallo Natural" e así soaba para pechar este encontro no hall do centro.



Abaixo podedes escoitar a  peza " AGASALLO NATURAL"creada na aula de música utilizando os textos dos naturpoemas escritos polo alumnado do IES Poeta Díaz Castro.





BO NADAL!






 


jueves, 5 de diciembre de 2019

NOVEMBRO POLAS VOCES SEN VOZ




NOVEMBRO,

 POLAS VOCES QUE PERDERON A SÚA VOZ


O mes de novembro na aula de música do IES Poeta Díaz Castro, foi un mes cheo de poesía e acordes que estudar. Notas, ritmos e instrumentos variados, algúns creados con materiais de refugallo, animados polo proxecto do centro "aclimatate". Días  para revivir coa música da nosa profesora Sandra Tenreiro o poema  "Voces sen voz" de Luz Campello veciña de Guitiriz. (Labrada). Puxemos toda a nosa enerxía cantando e tocando por elas, polas voces sen voz.  


Por aquelas que non deixaron ser, polas que non deixaron falar, polas que baleiraron a súa voz e polas que non puideron botar fora o que sentían ou o que pensaban. Por todas elas canta e toca esta BANDADA de bacharelato, que tamén tivo que sacar e buscar a súa voz alí onde nunca a escoitara antes. A música e a poesía, son ferramentas que poden acabar coa  violencia. 



"Sempre lles digo aos meus alumnos, que desafinar e marabilloso  sempre que sexa por unha boa causa e non intencionadamente.É a mellor maneira de descubrir que tes voz propia e podes usala, así que non teñades medo de desafinar nunca." 

                                                                                                                              Sandra Tenreiro.