Biblioteca "Poeta Díaz Castro"

         ...seguimos compartindo lecturas diversas! O xoves 20, tocoulle ao grupo de lectores da FP Básica poñer en común o que foron lendo ata o de agora (as historias deportivas de Bestiario do vestiario , e o relato  de Agustín Fernández Paz, 'Un artista do neón' , ambientado no mundo laboral).  Esa xuntanza aínda deu para máis: eles propuxéronnos tres relatos desa antoloxía para a sección de adultas ('Fútbol, sangue e area', 'A uña rota de Bob Marley' e 'O espectro de Garincha -ide tomando nota-), e nós metémolles nas mans uns poemas de Makinaria de Carlos Negro e o primeiro capítulo de Memorias dun neno labrego , de X. Neira Vilas. Para dar atendido a todo isto, contamos coa inestimable axuda de Fer, que non só animou á rapazada a ler, senón que cedeu algún tempo para esta actividade.

  O Club de Lectura  arrinca con catro modalidades... ;-) @s lectores/as fómonos encontrando na biblio estas semanas, para coñecérmonos e acordar a organización en cadansúa sección.  A modalidade de misterio e intriga comeza con  La catedral de Cesar Mallorquí. O Club de lectura de poesía xuntouse o pasado xoves para poñer en común propostas. Aquí nos tedes, dirimindo o xeito de encher de poesía as nosas vidas... e o centro 😼 O grupo de lectura da FP Básica está dándolle ás historias de Bestiario do vestiario , de Martiño Suárez. Agardamos as súas propostas para ler algo @s demais. E outra das nosas novidades deste curso, a sección de adult@s, xa tivo unha reunión para coñecerse, poñer en común lecturas e outras experiencias. Foi o 14 de outubro, á tardiña. En decembro comentaremos Presas fáciles , de Miguelanxo Prado e algúns relatos de Instrucións para tomar café , de Manuel Núñez Singala.  Sesión inicial da sección de adult@s. Embaixo, selecta de exemplare...