O
pasado xoves 16 de febreiro o alumnado de 1º e 2º de Bacharelato realizou unha
visita á USC acompañados da orientadora Yolanda e Ana, a profesora de relixión.
Nesta saída os estudantes pudieron visitar aquelas facultades que imparten
graos polos que sinten interese e desta maneira sumerxirse por unhas horas no
que será o ambiente universitario no que vivirán nos próximos anos.
Unha
destas alumnas, Thalía Fernández, considera “este tipo de visitas fundamentais
para axudarnos” aínda que “non nos
serviu de moito posto que a información que nos deron é case a mesma que
podemos atopar na páxina web”. Neste mesmo sentido Óscar López, que visitou a
Facultade de Económicas, botou en falta unha explicación máis detallada sobre “as diferenzas entre titulacións, como ADE e Economía ou
outras opcións que se ofertan”, pero si agradeceu “que dous alumnos nos
comentaran un pouco como foi a súa experiencia no primeiro ano e que cousas
lles resultaron máis chamativas.”
Outras das facultades visitadas foron as de Ciencias Políticas, Dereito,
Relacións Públicas, Xornalismo e Filoloxía. En Filoloxía Antía Sánchez quedou
moi sorprendida polo laboratorio de idiomas “nunca imaxinei que nun grao de idiomas se
puidese usar un laboratorio, pero en canto vin comprendín o seu uso: escoitar e
analizar os diferentes acentos e pronunciacións das linguas”. Tamén lle pareceu
interesante a esta futura filóloga de linguas orientais a posibilidade de facer
o grao de Linguas Modernas no que se estudan idiomas como o italiano, o francés
e o alemán.
Na Facultade de Xornalismo, tanto Antía Sánchez como Uxía López, quedaron moi satisfeitas coa
visita aos estudios de radio e televisión e lembraron con nostalxia cando visitaron por primeira vez un estudio de radio en 1º de ESO para gravar uns contos cos seus compañeiros, dentro do proxecto levado a cabo pola profesora de Lingua Castelá Elena Haz.
 |
Nesta sala os alumnos practican radio, deben
facelo como se fose un programa en directo polo que teñen que levar un guion
preparado.
 |
Este
é un dos platós de televisión da universidade, aquí os alumnos practican
diferentes formatos: informativos, presentacións, entrevistas…
 |
O que diferencia a
biblioteca de Xornalismo é que conta cunha hemeroteca para que os alumnos
poidan consultar calquera xornal que precisen para as súas investigacións.
|
Ademais
de fixarse nos aspectos académicos destas titulacións os alumnos valoraron o
salto que suporá para eles pasar dun pequeno instituto rural a unha facultade “este será o
último ano no cal sexamos poucos e coñecidos e pasaremos a ser un grupo
xigantesco de descoñecidos, e aínda que asusta bastante, é bo facerse a idea”
afirma Thalía.
No itinerario científico as facultades visitadas
foron as de Enxeñería Informática, Matemáticas e Física. Nelas María Vidal
destacou o escaso número de mulleres que había no grupo e as elevadas notas de
corte que se necesitan para poder acceder aínda que iso ”non me bota para atrás”.
A experiencia foi moi alentadora para todos e viviron con expectación desde a visita ás aulas ata a comida na cafetería universitaria.
Comentarios
Publicar un comentario