Biblioteca "Poeta Díaz Castro" Centro PLAMBE

| View | Upload your own Este curso propuxémonos ler todos un pouquiño máis nas aulas do noso centro. A través do programa Hora de Ler , ímoslle adicar 20 minutos ao día á lectura dos libros recollidos nas nosas bibliotecas de aula . Iniciamos esta viaxe coa lectura conxunta, mediante a exposición que figura nas paredes do instituto, dunha obra mestra da ficción: Moby Dick de Herman Melville.

O pasado 14 de novembro tivemos a honra de recibir no noso centro a unha das científicas máis importantes da historia do noso país, a matemática María Josefa Wonenburger. Nos días previos, o alumnado do bacharelato e de cuarto da ESO prepararon a visita informándose da vida e da actividade profesional desta gran muller. Durante dúas horas disfrutamos dun agradable coloquio con María que demostrou que, ademais das súas capacidades matemáticas, ten un trato moi cercano e un gran sentido do humor.

A nosa mestra, compañeira e amiga Marica Campo foi nomeada o pasado sábado 10 de novembro Chairega de Honra pola Fundación Manuel María e a Asociación Xermolos . Durante toda a xornada desenvolvéronse actos de recoñecemento no noso instituto. Foi un día cheo de emotividade. Autoridades, escritores, músicos, compañeiros, familia e tod@s amig@s de Marica compartimos un día que non esqueceremos. A honra é nosa, Marica, por estares cada día tan preto de nós.

Entre os actos da xornada de recoñecemento a Marica Campo como Chairega de Honra, tivo lugar no salón do noso instituto unha moi emotiva mesa redonda. Velaí tedes unhas cantas fotos que tomamos. Animamos a tod@s os que tiraran fotos ese día que nolas acheguen para facermos unha álbume máis completa.