Biblioteca "Poeta Díaz Castro"

O día 27 de febreiro xogouse no vestíbulo do instituto a final do torneo de xadrez. Durante os meses anteriores un de 19 alumos e alumnas participaron neste torneo celebrado na biblioteca do centro e organizado polo deparamento de Educación Física.  Na final enfrontáronse Óscar Felpeto López-Beres de 2º E.S.O. e Juan Buján Aparici de 1ºE.S.O., resultando gañador o segundo.  Na liga dos cursos superiores da ESO e bacharelato participaron 20 alumnos e alumnas de bacharelato 3º e 4º de ESO. A final enfrontou a XIANG LI de 1º de BAC e a Carlos López Pazo de 2º BAC, resultando gañador o primeiro tras unha apertada contenda.  O Departamento de Educación Física quere agradecer aos alumnos/ás do instituto a súa implicación nos devanditos torneos e tamén á Biblioteca escolar por acollernos na súa instalación e prestarnos o material para poder xogar, así como aos profesores de matemáticas do centro Víctor Pollán e Consolo por colaborar puntuándolles aos vencedores do...

Organizado polo departamento de educación física e coa colaboración da biblioteca principiou o torneo de xadrez. O alumnado de terceiro, cuarto de ESO e bacharelato xogará os recreos dos xoves e o de primeiro e segundo da ESO os venres. A competición terá lugar na biblioteca. Dúas coordinadoras (alumnas de segundo de ESO) encargaranse de velar polo bo funcionamento do torneo (avisar ao xogadores, ter as fichas e taboleiros , apuntar os resultados nos paneis a entrada da biblio...). Tamén haberá dous árbitros para controlar as partidas. Ao tempo desenvolverase unha pequena escola de xadrez para aqueles que aínda non saiban xogar. A biblioteca pon a súa disposición fichas, taboleiros o espazo axeitado e unha persoa, Victor Pollán, profesor de matemáticas e membro do equipo de biblioteca para guialos na súa iniciación.