Biblioteca "Poeta Díaz Castro"

 O Trasno dos Libros na biblioteca. Na semana do 18 ao 22 de abril o alumnado de 1º da ESO participou, durante a materia de Lingua Galega nunha actividade coordinada pola nosa compañeira Alba María, membro do equipo da biblioteca, nun xogo de pistas para conmemorar o Día Do Libro. Este contaba a historia do trasno dos libros,  que inspirara e axudara ás persoas que acudían á biblioteca a crear composicións marabillosas e a interesarse por escoitar e ler toda clase de historias. Mais un virus literario asolagou o espazo, de xeito que todas as obras comezaron a desaparecer. Para salvalas, o trasno sacrificou a súa maxia e devolveulle á vida á biblioteca, mais o seu corpo desapareceu para sempre. Contan as persoas máis vellas do instituto que o trasno deixou a alma esparexida por distintos fragmentos de libros por toda a biblioteca . Só os máis afoutos alumnos e alumnas conseguirán descifrar todas as pistas que os levarán a elas e dese xeito revivir a alma daquel trasno ...

VISITA DE RUBÉN RUIBAL O programa de Promoción da Lectura do MEC deunos a posibilidade de conmemorar no noso instituto o día do Libro deste ano coa visita do escritor Rubén Ruibal, gañador do premio Álvaro Cunqueiro e do Premio Nacional de Teatro 2007. Este actor, director, escenógrafo e dramaturgo fixo un resumo da súa traxectoria  desde os seus inicios nas tablas cando era un neno xogando coa súa familia ata que se decidiu a escribir Limpeza de sangue , inspirado polo gran Roberto Vidal Bolaño e co que compartiu a andadura do grupo de teatro “Teatro de aquí”.

O ano pasado estivemos nos coles compartindo lecturas cos pequenos. Polo visto gustoulles a experiencia, polo menos así nolo contaron. Así que este ano non podíamos faltar. Xa o contamos noutra entrada, pero agora podedes ver algunhas imaxes. Volveremos.

O día 3 acudimos, como nos  anos anteriores, ós colexios de Lagostelle, Parga e A Castellana para celebrar o día do libro. Case 100 alumnos   do insti (case o 70% do alumnado de secundaria) prestáronse a compartir un rato de lectura e diversión cos pequenos de infantil e primeiro ciclo de primaria. Na biblioteca estamos moi satisfeitos da resposta do noso alumnado e do seu traballo.   Durante a semana anterior estivemos, con moita ilusión,   preparando as lecturas, ensaiando en casa e en clase. A xornada foi estupenda; grandes e pequenos disfrutaron xuntos da lectura. Uns días antes escribimos unhas cartas a cada un dos pequenos lectores para contarlles o que íamos facer. Agora esperamos, con máis ilusión aínda, as súas respostas, as súas cartas ou debuxos. Nuns días teremos un vídeo resumo da actividade. De momento nestas imaxes pódese ver apreciar o ben que o pasamos todos. Se queres ver máis fotos preme aquí

Outro ano máis celebramos o día do libro compartindo contos e lecturas cos pequenos dos colexios de Lagostelle, Parga e A Castellana. Escollemos, coa axuda dos profesores dos colexios, unha serie de contos axeitados para cada nivel (infantil e 1º ciclo de primario) e distribuímos os contos entre os nosos alumnos. Durante a semana anterior cada lector preparou o seu conto tendo en conta a idade á dos nenos que o ían escoitar. Nos colexios organizamos os pequenos en grupos de tres de xeito que cada un dos lectores foi pasando por diferentes grupos e lendo o seu conto. Cremos que non resultou mal e que foi unha boa experiencia para os nosos alumnos.  E os pequenos tampouco parece que o pasaran mal. Se queres ver máis fotos pincha aquí

Hoxe celebramos o día mundial do libro. Nos imos celebralo … lendo. Non podía ser doutra maneira. Imos cargadiños de contos ós colexios de Guitiriz , A Castellana e Parga, para compartilos cos máis pequenos. Os vicios hai que collelos pronto. Xa vos contaremos como nos foi. Ah! Si queres saber por quese conmemora hoxe o día do libro pincha aquí  De momento vos deixamos con este vídeo publicado por http://loslibrostienenalma.blogspot.com.es/ E tanto que os libro teñen alma, mirade isto. Chega dende Toronto da man de Sean Ohlenkamp e a súa dona. Gracias a biblioteca do CEIP Santiago Apóstolo de Franza-Mugardos por pasalo. Subido por crazedadman el 09/01/2012

Aquí tedes o conto “A que sabe a lúa” lido por Amanda, Isabel, Lidia e Lucía no Colexio de Guitiriz para ós alumnos de Infantil. Ós maiores gustounos tanto coma ós pequenos.

A inicios de outubro con motivo da selección de candidatos para o “Ler e escoitar” sorprendeunos a cantidade de rapazas, e algún rapaz, participaron con entusiamo nas lecturas en voz alta .  Nos encontros de bibliotecas escolares celebrados en outubro vimos como outros centros (I.E.S de Sansenxo e I.E.E de Porto dos Son) organizaban con alumnos de secundaria lecturas de contos para os colexios de primaria do seu contorno. A idea pareceunos moi interesante e xa que tíñamos voluntarios nos puxemos mans a obra.          Presentáronse 34 alumnas e un alumnos. Nos puxemos en contacto cos colexios  de Guitiriz, Parga e  A Castellana que acolleron ben a iniciativa. Tivemos que formar varios grupos para cubrir os tres colexios da zona e os diferentes niveis de infantil e primaria nos que se realizarían as lecturas. Cada grupo escolleu dous ou tres contos e prepararon as lecturas. (Usando o seu tempo libre, os recreos, e tamén algunhas cl...