O
xoves 20 de novembro tiñamos unha cita importante coa historia,
mitos e lendas, revivíamos nas primeiras butacas do Auditorio de
Galicia “A Guerra de Troia”; un espectáculo que combinaba
monicreques, narración e audiovisual de animación.
Coñecemos
os seus personaxes na aula de música, descubrimos o seu papel na
historia, mesmo pensamos que
modos gregos eran máis
axeitadas para representar musicalmente a Paris, Helena, Aquiles,
Héctor..., vamos que eran xa como da familia. Viaxamos a ese
lugar remoto do Mediterráneo
onde as dúas nacións máis poderosas da terra enfrontáronse neste
conflito bélico.
Presentáronnos
na escena o traballo dos construtores de monicreques, guionistas,
iluminadores,escenografía e realización audiovisual. O que máis
nos sorprendeu a utilización
virtuosa da voz falada
a cargo dos actores que se ocupaban de dar vida expresiva os
monicreques, enfado, dor, un home novo ou vello, un home ferido, o
odio e forza loitando expresada a través do uso da voz falada. Os
monicreques cobraron vida a só tres metros de nos,
podíamos sentir a forza nos corpos de madeira e o bater estrepitoso
das espadas na loita . Máis o malo de esta historia e que non
tiñamos a intriga do final, sabíamos dende que nos sentamos nas
butacas como terminaba este conflito bélico. Por outra banda como
músicos activos e prácticos que somos no Poeta Díaz Castro,
sempre dispostos a
escoitar e tocar,
todos botamos moito en falta a música en directo, unha pequena arpa,
unha lira...aportaría forza e moito interés ó espectáculo. Algo
si nos queda claro, de
bicar a muller do teu amigo...nin pensalo,
non imos tropezar outra vez na mesma pedra.
Comentarios
Publicar un comentario