Biblioteca "Poeta Díaz Castro"

Aló foi o gran día! Vilalba e Guitiriz apertáronse coa escrita e coa lectura na Casa Museo de Manuel María , co gallo do II Certame de Microrrelatos organizado dende as bibliotecas do IES Poeta Díaz Castro e do IES Santiago Basanta Silva. Grazas a Antón Laxe, á Fundación Manuel María de Estudos Galegos, a Xurxo Souto e ao profesorado e alumnado implicado, a xornada foi todo un éxito. Todo comezou cun remexido de claves villaltianas , que permitiu misturar alumnado dos dous centros para as distintas actividades propostas (xincana na horta, visita guiada á casa, obradoiro de regueifa e espazo Villalta). A maiores, un pequeno tempo de lecer e unha gala de entrega de premios que tivo como peche a presenza de Xurxo Souto , quen nos lembrou que Manuel María e Luísa Villalta tanto eran poesía como música. Medre a festa chairega que se fai con vento do mar!!! Alumnas de Vilalba desenvolvendo o obradoiro de regueifa, acompañadas por Almudena Introdución á obra de Luísa Villalta cunha dinám...

  Superado o Reto de Luisa Villalta Recollemos neste artigo o traballo realizado na aula Sib iblio na que dinamizamos lecturas diversas a través da música . Logo de interpretar "Estación" de Luisa Villalta, esta semana estivemos ensaiando Torre / Reto do poemario "En Concreto" . Formas diferentes de achegarse á poesía, neste caso a través da música composta pola nosa profesora Sandra Tenreiro. Deixamos recollidas as interpretacións do alumnado de 2 º ESO e de 4º ESO. Animádevos a cantar con nós nestas Letras Galegas 2024.

Hoxe é o gran día! Imos a Outeiro, á Casa de Hortas, cerne da escrita de Manuel María , onde a rapazada dos clubs de lectura de Vilalba e Guitiriz celebra unha convívio creativa previa á entrega de premios do II Certame de Microrrelatos "Co medo no corpo". Como nos vai prestar! E iso para rematar unha semana estelar da biblioteca, na que tivemos entre nós a Marica Campo . A escritora, que foi docente neste centro, fixo un dobre pase : primeiro para o alumnado de 2º BAC e do club de lectura, e despois para 1º ESO. O salón de actos que leva o seu nome foi festa da palabra e da amizade , pois non só aproveitou para falar da súa obra (os maiores leran Memoria para Xohana , @s máis nov@s, nós outras ), trouxo con ela versos e recordos de Luísa Villalta .  Dous flashes do primeiro pase, o primeiro é a presentación de Lara e Nara (2º BAC)  Sandra Tenreiro interpreta "A estación" de Luísa Villalta como inicio da segunda quenda Grazas a Marica Campo e a Sandra Tenreiro, a n...

Así andamos, super atarefad@s nos recreos para ver de elixir as mellores historias de terror e identidade de Vilalba . Tivemos que establecer orde e concerto porque non collía tanta rapazada que quixo participar como xurado.  Alumnado xuri correspondente á categoría B (de 15 a 18 anos) Alumnado xuri correspondente á categoría A (ata 15 anos) Xa queda pouco para saber quen gañou, e para celebralo tod@s xunt@s na saída á Casa Museo Manuel María. Vaia planazo! A sección de persoas adultas reuniuse o xoves 11 pola tarde. Comentáronse as obras de lectura que pasaron de man en man dende decembro  ( Cartas a Lucilio , de Séneca;  A desaparición de Esme Lennox , de Maggie O'Farrell; Emigrantes , de Shaun Tan; Aromas , de Philippe Claudel) . Agora andan rodando Irene a porteira , de Xulia Pisón e Óscar Losada,  e, por suposto, os   Microrrelatos de terror e identidade  😍).    Quedamos de xuntarnos en xuño, e para daquela as propostas son: As alumna...

  O equipo KPACES na Ruta dos Faros" O alumnado do Equipo KPACES da materia de Proxecto Competencial, asiste hoxe a Exposición Fotográfica "Camiño da Luz" do fotófrafo Coruñés Pepe Varela. " O encontro foi na biblioteca " Casa Habanera". Rubén comentando os detalles cos seus compañeires de 3º ESO Aprendemos da visión experta de Pepe e viaxamos a través das fotos desde a Torre de Hércules a Finisterre, facendo visualmente o camiño dos peregrinos, acompañados dos senderistas e coñendo así a costa norte; Punta Langosteira, Punta Nariga, Illas Sisargas, Punta Laxe... Grazas aos compañeiros Kpaces da Casa Habanera por compartir esta experiencia con nós e deixarnos plasmar a nosa pegada neste Camiño de Luz.. 

  Na estación Letras Galegas 2024. A aula de música do Poeta Díaz Castro, leva anos traballando pola dinamización lectora a través da música e outras expresións artsticas como a danza e o teatro. É un órgano  mais que recolle materias sonoros da biblioteca para a comunidade e crea tamén materias inéditos para a difusión de poesía ou álbum ilustrado entre outros recursos,ou abrindo a biblioteca á veciñanza dentro do Proxecto KPACES inciado o pasado curso. Deixanos exemplo do seu traballo diario agora con  Luisa Villalta. Deste xeito, dinamizan a súa poesía, grazas as composicións inéditas da súa profesora Sandra Tenreiro , que  forma parte do equipo de profesores que traballan na biblioteca.   Ensaio na aula Sib-iblio do poema " Estación". A profesora de música deixa neste vídeo o poema Estación  de Luisa Villata completo, para o seu uso didáctico nas aulas. Animádevos a subir a este tren, pronto mais recursos. GALEGAS 2024!.

As ganas de ler multiplícanse... hai un andazo... empezaron os da FP básica para valorar o mellor microrrelato ambientado no seu taller, fóronlles detrás as da sección de adultas do club de lectura, e en breve comeza o resto de profesorado e alumnado que se candidatou como xuri para esta segunda convocatoria do certame . Non sei que lles dán estes/as de Vilalba... Sesión de lectura e valoración dos "Microrrelatos de taller" Pero non só houbo un " Taller de historias "; tamén se promoveu a subsección " Historias de rocho ", e outro grupo visitou o faio do centro, onde case quedou pechado na cúpula do telescopio... que por certo non estaba alí... todo un misterio... 😜 Exploración (taller e rocho) para a escrita