O
mércores 19 de febreiro celebrouse no noso IES a reunión de
presentación dos 5 Proxectos de Innovación Educativa que foron
seleccionados por EDUCABARRIÉ na súa Convocatoria de Proxectos
Escolares 2013/14.
A
reunión acudiron o Director da Fundación Barrié, Javier López; a
Directora de Investigación e EducaBarrié, María José Mariño; a
Asesora educativa de EducaBarrié, Susana Vázquez, e o profesorado
que desenvolve os proxectos: Xaime Varela do Instituto Español
Cañada Blanch de Londres (Fala Londres); José Viñas do IES
David Buján (Ciencia cidadán na escola); M. T. Iglesias
Polo do C.P.R. San José de
Pontedeume (Construíndo a cultura do pensamento eficaz
hoxe para mañá); M. Pérez Hernández do
Centro Integrado A Xunqueira de Pontevedra (Proxecto de
colaboración A Xunqueira Amencer) e Olga Aguiar do IES Poeta
Díaz Castro de Guitiriz (Tralas pegadas de Díaz Castro. Un
roteiro interactiva pola poesía, o lugar e a persoa).
A
reunión amosou o elevado nivel das intervencións educativas
seleccionadas, o seu rigor e capacidade de aglutinar intereses moi
variados do profesorado para mellorar a práctica docente, a
captación do talento do alumnado e os incentivos en coñecemento e
implementación das novas didácticas e tecnoloxía nas aulas.
Todos
os proxectos serán elaborados neste curso escolar e poranse a
disposición da comunidade educativa co compromiso de compartir e
espallar as súas experiencias. Unha oportunidade para visibilizar a
capacidade do profesorado con inquedanzas e desexo de formación
permanente. Para o noso Centro unha oportunidade máis de
desenvolver un proxecto interdisciplinar, vinculado á cultura e
entorno do alumnado.
Antes
de iniciar a reunión un grupo de alumnas de 2º de BAC (gracias
Amanda, Nerea, Eva, Lidia e Laura) prepararon e realizaron unha
presentación do noso centro, dos traballos e actividades que se
desenvolven nel, da nosa vila e, por suposto, na data na que
estabamos, do poeta que da nome ó centro e a nosa biblioteca.
Despois Oscar e Eva agasalláronnos coa lectura duns poemas e por
último puidemos coñecer de primeira man a un pequeno Díaz Castro
que falou, nunha mestura de linguas, dalgúns episodios da súa vida.
Comentarios
Publicar un comentario