O SONO DA GRAVACIÓN SONORA

O ALUMNADO DE MÚSICA DO IES POETA DÍAZ CASTRO DE GUITIRIZ, FINALIZA A SÚA EXPOSICIÓN " O SOÑO DA GRAVACIÓN SONORA" COA PRESENCIA DO MÚSICO GERMÁN DÍAZ.

O alumnado de música do instituto de Guitiriz, coordinados pola súa profesora Sandra Tenreiro Doldán, pecha a súa exposición " O SOÑO DA GRAVACIÓN SONORA", coa presenza do músico, compositor e especialista en tradición Germán Díaz.
Esta exposición é resultado dun traballo de investigación realizado na aula de música, para dar a coñecer ao resto de compañeiros do centro, os instrumentos que conseguiron reproducir e gravar son por primeira vez na historia; órganos hidráulicos, carrillones de igrexa, caixas de música, rodillos de papel o cilindros de estaño e cera. Unha longa viaxe ata os discos de pizarra e vinilo que os alumnos puideron escoitar estes días na biblioteca do centro.
Germán Díaz, amablemente aceptou o noso convite para unirse ao noso proxecto, aportando neste encontro os seus grandes coñecementos de instrumentos históricos de gravación e reprodución de son. Puidemos escoitar instrumentos medievais de manivela como a zanfona que sempre o acompaña e que fixo soar ante os presentes con gran virtuosismo. Tamén outros moitos instrumentos de manivela dos anos vinte e trinta, coma a rolmónica cromática e o órgano de barbaria entre moitos outros que Germán presentou.
Para finalizar este magnífico encontro, terminamos cun "Taller de Gravación ou perforación de cartóns", no que o alumnado de música coordinado por Germán Díaz, imprimiron en cartón, as notas dunha melodía que posteriormente, como por arte de maxia, soaron nunha caixa de música diatónica.

Comentarios

Entradas populares de este blog

O Club de Lectura inaugura curso na nova biblioteca

A BIBLIOTECA... máis necesaria ca nunca. 05/10/2020