Biblioteca "Poeta Díaz Castro"

E que ocorre cando á maxia de certos espazos se lle engade o tempo , invadíndoo todo e reclamando tamén ser protagonista ?  Pois que xorden relatos tan intensos e cheos de feitizo coma estes: À la recherche du temps perdu , Marcel Proust Atlântico do Norte , Bernardo Nascimento The Neverending Story , Wolfgang Petersen El laberindo del fauno , Guillermo del Toro De profundis , Miguelanxo Prado

Seguimos coas historias onde o protagonismo dos espazos fainos condicionantes absolutos da acción; lonxe de seren un simple escenario onde ocorren os feitos, determinan o que ocorre e a maneira en que o resto das personaxes interactúan entre si: Los otros , Alejandro Amenábar Capitães da areia ,   Jorge Amado Nestes tempos que andamos co bozo, igual é bo botar unha ollada e lembrar que non hai tanto  nas costas galegas as caras cubertas tamén  formaron parte do día a día de moitas persoas... The towering inferno , John Guillermin Journal filmé d'un exil ,  Magali Magne

MENSAXES RÍTMICAS MOTIVACIÓN E ÁNIMO AO RITMO DAS NOSAS MANS. A un mes da celebración do DÍA MUNDIAL DA MÚSICA, o alumnado  do I.E.S Poeta Díaz Castro, lanza unha mensaxe urxente a golpe de compás de catro por catro, cun tema esencialmente rítmico: "As apertas volverán". Traballando   desde as súas casas, desde a aula de música virtual,   envían o impulso e forza aos seus compañeiros, familiares e amigos , falando da importancia de traballar en equipo, de seguir as mesmas pautas e ritmo para vencer os momentos difíciles que estamos a vivir. O traballo rítmico coas súas mans , realízase sobre a melodía dun coñecido tema da artista Adele, "Rolling in the deep". Agardamos que esa forza coa que marcan o ritmo coas súas mans, envíe unha carga de enerxía positiva.  E como ben contan nesta creación;  "CANDO MENOS contes, AS APERTAS VOLVERÁN".

E ben, as persoas levamos dende a noite dos tempos enfrontándonos a espazos diversos , ás veces adversos, e a momentos históricos de incertidume . Os riscos que conlevan estas situacións supoñen moitas veces o xerme de relato s insólitos , coma as que vos traemos desta volta : Casa tomada , Julio Cortázar Cinq semaines en ballon , Jules Verne 1984 , George Orwell O velho e o mar , Ernest Hemingway O lapis do carpinteiro , na versión cinematográfica dirixida  Antón Reixa,  pero, quen era o autor na novela na que se baseou esta película?

CUESTIÓNS METAFÍSICAS CON CARBALLO CALERO. ACONTECEU NUNHA AULA DE MÚSICA VIRTUAL DURANTE  O ESTADO DE ALARMA A poesía intelectual de Carballo Calero de carácter metafísico, preocupada máis polo pensamento que polo sentimento, fío condutor do traballo audiovisual do alumnado de Música neste período de confinamento. Con este traballo convidámosvos a todos a unha reflexión sobre o tempo que estamos a vivir.   Algunhas das alumnas de Linguaxe e Práctica Musical participantes. Na aula de música do IES Poeta Díaz Castro, creabamos nas pasadas semanas de encerro   nas nosas casas, un novo escenario   no que deixar gravados os traballos xa iniciados a finais do segundo trimestre na materia de música. As fotos realizadas polo alumnado de 1º de Bacharelato para este fin, deron lugar, a unha curiosa exposición visual e poética,   reflexións inesperadas nestes tempos de confinamento. A música que acompaña este traballo é do noso veciño de Cospeito...

Benvid@s unha semana máis a este espazo de referencias e investigación. Agora que percorremos de novo as rúas e os carreiros, imos aproveitar para abrir tamén a nosa ollada ao mundo con estas grandes historias . Algunhas delas demostran que hai encerros que van moito máis aló do aspecto físico, virando xa cara ao psicolóxico e ideolóxico.   Relatos en potencia , Sabela Núñez Singala          The great escape ,  John Sturges     Le comte de Montecristo ,         Aexandre Dumas O filho do século ,  Antonio Scurati El ángel exterminador , Luis Buñuel Pois ben, a adiviña desta semana é dobre: quen é o autor deste cadro?  E para que obra das propostas esta semana foi unha referencia esta pintura?

A piques xa de ir saíndo aos poucos, segundo nos deixen, é un bo momento para abordar unha cuestión importante en situacións de encerro total ou parcial: a convivencia . N on é o mesmo partillar o tempo e o espazo limitado cunhas persoas que con outras... sexan da familia, da vcciñanza ou descoñecid@s. Aquí quedan algúns exemplos disto que falamos. Esperamos que vos gusten. La casa de Bernarda Alba , F. García Lorca Un peu, beaucoup, aveuglément! , Clovis Cornillac Neighbours , Lídia Momplé Os nenos da varíola , María Solar. Coñeces a figura de Isabel Zendal? E a película 22 ángeles?       Adiviña a película á que se refire esta imaxe Como vedes, desta volta tedes que pescudar un pouco...  ;-)