CREAcción Día do Libro 2021 Cap. 2 " Ollo ao dato"



CREAcción da curta " Ollo ao dato"

Cap. 2

Como tiñamos prometido, hoxe estreamos o Cap.2 da serie " Non todo é branco ou negro" (cine mudo) titulado "OLLO AO DATO". Se o anterior capitulo, publicado o 13 de abril no blog, foi adicado a unha reflexión sobre a biblioteca que queremos ter e a importancia de facer que sexa un punto de encontro  e diversidade atendendo as necesidades dos seus usuarios, nesta segunda entrega, facemos referencia a inclusión e atención a alumnado con necesidades específicas.
Neste  2º capítulo o alumnado do segundo curso da ESO do grupo B, conta a historia dunha rapaza a que lle gustan as matemáticas pero como  ten problemas coa súa agudeza visual, precisará a axuda do noso Charles Chaplin; un compañeiro empático que busca recursos para poder axudala.


Novamente toda a música utilizada forma parte dos recursos que temos na nosa biblioteca, un xeito ameno de achegarse a coñecer e entender diferentes estilos. No cap. 1 " Isto non é unha biblioteca" traballabamos coa música de Duke Ellington e Dizzy Gillespie, nesta curta utilizamos clásicos como J.S Bach, Mozart, Rossini e Chopin.
A curta de 4´ pechase novamente cunha pregunta para a reflexión en aula

Agardamos que vos guste! 

Nós seguiremos creando!


Comentarios

Entradas populares de este blog

O Club de Lectura inaugura curso na nova biblioteca

A BIBLIOTECA... máis necesaria ca nunca. 05/10/2020