Biblioteca "Poeta Díaz Castro"

                      ...compartindo lecturas e versos de poetas! Fica aquí breve memoria do mapa de xuntanzas do Club de Lectura nestes días de intensa actividade prevacacional, e iso que non nos deu tempo a todo! A rapazada que está a ler La catedral xuntouse onte no segundo recreo para falar desta novela de intriga, pero haberá unha segunda parte á volta, en xaneiro. @s máis nov@s tiveron un tempo de lecer inesperado para ler historias ilustradas , houbo quen se animou a contarlle a súa ao resto do grupo, con algunha axudiña... Lectura teatralizada de Frédérick , o rato poeta E como non, @s poetas manifestáronse de novo este luns, e en dobre xornada: no primeiro recreo lendo poemas e definindo a poesía, esa dona esvaradía da literatura; xa pola tarde, en horario extraescolar, o alumnado de 1º BAC levounos polo Guitiriz de Díaz Castro, exercendo de magnífic@s guías do roteiro 'A fábrica de poetas'. @s nos@s guías ant...

En novembro no noso IES houbo dúas actividades para visibilizar a presenza feminina no ámbito científico ,  grazas á proposta de Xermolos , que promoveu unha serie de charlas conmemorativas en homenaxe á  figura de Jimena Fernández de la Vega . Este ano adicóuselle o Día da Ciencia a esta destacada xenetista e pioneira na aplicación terapéutica da hidroloxía que exerceu no balneario de Guitiriz .  Ela e a súa irmá Elisa foron as primeiras licenciadas na Facultade de Medicina da USC. O 18 de outubro Ana Jesús López Díaz, Doutora en Física e profesora da Universidade da Coruña achegou o relatorio 'As mulleres tamén facemos ciencia. Unha visión desde Galicia' ao alumnado de 3º e 4º da ESO. O 11 de novembro, tres ex alumnas do centro - Sonia Gómez Pardiñas ,  especialista en psiquiatría, Eva Mª López Roca, Subdirectora Asistencial do Hospital da Mariña, e Laura Losada Ares, reumatóloga-  achegaron á rapazada a súa experiencia estudantil e laboral na táboa redond...