Biblioteca "Poeta Díaz Castro"

 Ondiñas veñen e van! Si hai uns días despedíamos ao alumnado de 2º de Bach agora...Un ano mais recibimos con toda a nosa empatía e cariño ao  futuro alumnado de 1º da ESO. Aquí deixamos testigo de parte do que aconteceu por estes lugares.  O alumnado voluntario do instituto, participa activamente na organización desta axetreada xornada escolar. Visitan o centro, participan das nosas actividades e proxectos, intentando mostrarlles un pouco do que somos e a vida activa que aquí lles agarda. A biblioteca,  un rebulir de nova rapazada que participou de xogos, e propostas varias. Roteiros, viaxes imaxinarias, proxectos de centro en activo e mesmo pinchos e baile. Grazas a todxs! En setembro mais! Benvidos! Bailando xuntos "Terra"-Tanxugueiras Alumnado de 6º de primaria e de 2º e 3º de Música do insti.

  Tenda ODS, a biblioteca muda. Nestes últimos días de curso, como cada ano a biblioteca axuda na planificación da exposición dos proxectos levados a cabo. Este ano será a " Exposición ODS" Reduce, recicla e reutiliza. Case podemos dicir que isto vaise converter nunha tenda para tomar consciencia da importancia de facer deixar ir aquilo que non usas e darlle unha segunda vida, na historia doutras persoas que si as necesiten.   O s equipos implicados xa traballan na elaboración dunhas Etiquetas sostibles, etiquetas poéticas, que nos animan a pensar nun mundo non consumista e solidario. TODOS UNHA PRENDA: Mercado de roupa de segunda man. Lema: Todos unha prenda antes do día . As prendas entregadas terán unha triple canle de utilización: - o troco (unha prenda por outra, mediante o uso de vales), - a reutilización solidaria (envío a Servizos Sociais do Concello) ou a - reciclaxe (se non pode ir por unha das vías anteriores) Os departamentos comprometidos cunha tarefa didáct...

  100% Prensa Galega A biblioteca traballa novamente co Equipo de Dinamización da Lingua, para axudar neste caso a espallar nas aulas e na biblioteca  o uso da  prensa galega, neste caso a través de " Nós Diario" . Como nos contan desde o blog veciño " Movendo nos marcos "; o departamento de Xeografía e Historia, traballa a cotío con este recurso en aula. D esde a biblioteca mostramos hoxe a colaboración feita polo departamento de música ; o seu alumnado traballa coa prensa, en relación as noticias culturas e artísticas.   Aquí nos deixan exemplo de esas exposicións orais en aula, nas que mesmo o alumnado sorprendeuse, de todo o que podemos aprender, lendo a prensa a diario e compartindo o que lemos cos demais.

As letras de FLORENCIO cargadiñas de actividades . 👈 O Equipo de Dinamización da Lingua do noso centro, oferta un interesante calendario, con exposicións, obradoiros artísticos de creación audiovisual e visitas moi interesantes!. Pasadevos polo blog dos veciños. E veredes que ben! Disfrutade mentres tanto do primeiro traballo do noso alumnado; Florencio Delgado Gurriarán Real Academia Galega  

Na última xuntanza da sección de adultas do Club de Lectura , mudamos de espazo de encontro, sen perder a referencia absoluta que é a biblioteca. Nesta ocasión aproveitamos un espazo de lectura informal que hai na zona de acceso ao centro, que invadimos con froita, libros, e moitas ganas de botar un conto. Aquí nos tedes nesta sesión. Grazas por vernos con tan bos ollos, Alba   Noites de safari e Pretérito Imperfecto déronnos para moito; non só os comentamos senón que os empregamos como base para unha creación colectiva que nos propuxo Alba María , quen tamén nos convidou ao seu obradoiro de regueifa deste martes 1o. Algunhas tomámoslle a palabra... pero iso xa é outra historia. Aí vos queda mostra no noso quefacer poético ;-) Quedou fixada como seguinte lectura Identidade , de Nee Barros, que comentaremos en xuño, seguramente algún espazo exterior.  Seguiremos informando...

  Semana da Liberdade no IES Poeta Díaz Castro Un ano máis, Portugal conmemora o 25 de Abril, a grande festa da Liberdade . O IES Poeta Díaz Castro, centro pioneiro no aproveitamento das posibilidades que o noso ámbito lingüístico galego-portugués nos ofrece, non podía deixar pasar a oportunidade de xuntarse a esta celebración que exalta os valores da Democracia, a Igualdade e a Fraternidade . Estas actividades son froito da colaboración dos departamentos de Portugués, Galego, Música, Debuxo e do Equipo da Biblioteca; unha constelación de sinerxías que xa é a marca propia do noso instituto. A preparación da efeméride comezou nas semanas anteriores, período durante o cal o alumnado de Educación Plástica e Visual de 4º da ESO realizou, coa orientación da profesora Nuria Pena, unha serie de debuxos a carbón representando, concreta ou alegoricamente, os eventos e ideais propios desta data. Exposición do alumnado de Nuria Pena no recibidor. Desde a mañá do día 25 de Abril, estas ob...