Xogo e vida no centro. Patios inclusivos.

 

Xogo e vida no centro; patios dinámicos.

No presente curso, o alumnado de 2 ESO estivo a traballar sobre a idea de “patios dinámicos”,que forma parte da obra intelectual de Gey Lagar. A través do traballo desenvolto no ProxectoCompetencial, búscase contribuír á inclusión social no contexto escolar.

Patios Dinámicos quere recuperar a esencia do xogo grupal e a interacción social entre iguais.

Desde o proxecto tamén consideramos que o xogo axuda a desenvolver a identidade propia,

tanto no plano individual, como no colectivo, como centro educativo.

Neste sentido, a organización das actividades desenvolvidas estivo moi dirixida no primeiro trimestre do curso. O alumnado da materia de Proxecto Competencial, foi gañando autonomía ao longo do curso. No terceiro trimestre, foron quen de montar e desmontar todo o necesario con axilidade e sen axuda por parte do profesor. Incluso unha parte do alumnado non implicado directamente se sumou deforma voluntaria. Así, asumiron o seu papel protagonista, gañando autonomía persoal e adquirindo capacidades cooperativas.

O espazo de xogo montado no recibidor de entrada ao centro foi unha zona concorrida. Igualmente, recuperouse o espazo exterior da zona de pimpón cun torneo que se extendeu durante varias semanas. Por último, o feito de desenvolver un torneo de fútbol no patio central logrou que a zona estivese máis organizada e que o alumnado aproveitase neses leceres outros espazos que non adoitaba empregar.

A nosa biblioteca brindou un apoio imprescindible para o bo facer do proxecto.  Dinamizáronse todos os recursos lúdicos e didácticos dispoñibles, e déuselle continuidade ao proxecto Kpaces no que traballa o noso alumnado de 1 ESO.