Entradas

Contos por palabras e outros

Imagen
  O CL volveu ás andadas este curso. A sección de adultas comentou as lecturas de verán: As torres abolidas  de Xosé Miranda (recomendación de Marica Campo) e Beleza vermella de Arantxa Portabales   (proposta dunha nai) en setembro. Os seguintes libros son O povo improvisador de Séchu Sende e La mala costumbre , de Alana S. Portero. A rapazada  tivo un par de xuntanzas para comentar volumes de Mafalda, esa nena grande que acompañou varias xeracións de lectores/as. Agora andamos con Contos por palabras , aproveitando que dán para ler e para escribir historias.  En breve faremos o recital en homenaxe ás escritoras, centrado en Begoña Caamaño: outubro non deu para máis. De esquerda a dereita: Contos por palabras para escribir e para comentar, e xuntanza de adultos.

Anticipándonos a un verán de libros

Imagen
  Chega xuño, e toca ir rematando, para recibir o verán libres de ocupación. A rapazada xuntouse o 28 de maio e o 19 de xuño para poñer en común a travesía do club de lectura deste ano e facer propostas para o vindeiro ano, tanto de lecturas como de actividades. Recordatorio das lecturas debulladas neste curso A sección de persoas adultas tamén fixo unha última reunión, o 17 de xuño, para comentar -en xeral- o percorrido lector deste ano e escoller as obras para o verán: As torres abolidas , de Xosé Miranda e Beleza vermella , de Arantza Portabales foron os elixidos, aos que se engadiron xa outros oito libros para adentar a partir de setembro.

KPACES e Punto. A tipografía solar.

Imagen
KPACES e  punto .  A tipografía solar. Lembrades que aló polo mes de novembro, deixabamos o noso punto de partida, en diferentes lugares de Guitiriz e arredores. Eran as nosas cámaras estenopeicas. Onte pechabamos este proxecto que nos lembraba que non todas as fotos son instantáneas e de consumo rápido. Este estenopo recolleu o movemento solar; unha solarigrafía que nos deixa claro como escribe o sol no ceo en diferentes lugares de Guitiriz e Galicia.  O proxecto foi levado a cabo polo alumnado de 3º ESO do biblio equipo kPACES, coordinado pola profesora Sandra Tenreiro.

Constelacións. Puntos de lectura para a veciñanza

Imagen
Abril e maio viaxando polas Contelacións lectoras. O biblio equipo KPACES,  tivo moito traballo nesta tramo final de curso. Xa tocaba revisar as Constelacións; puntos de lectura para á veciñanza da Biblio do Poeta Díaz Castro. Novos pedidos, novos lectores... Na ferretería de Amador; sempre atopamos a Ana cun sorriso; comentounos que temos por alí un par de lectoras que teñen peticións feitas. Pasarémonos nestas semanas para renovar os recursos do punto lector da Ferretería de Amador. Biblio Equipo 1º ESO no Café  Bar " O Recreo". Parga. Punto lector. Ferretería de Amador. Tivemos a oportunidade de irnos a Parga para visitar tamén o punto lector " Bar o Recreo". Alí con Fernando ademais de tomar un delicioso café, pode escoller unha lectura e disfrutar na súa terraza lendo e se che presta, anotarte nos cadernos e levar o préstamo para casa. Tamén temos alí peticións dalgúns veciños.  En nada enviámolos!. Biblio Equipo 1º ESO no Café  Bar ...

Coa pluma na man. Club de escrita

Imagen
  O interese na creación de textos concretouse en tres encontros para a escrita ; este ano houbo menos alumnado porque entre exames e saídas extraescolares, cara ao final de curso complícase moito para dar posto día de xuntanza. Fixemos o que puidemos, e finalmente as tradicionais quedadas de escrita foron o 8 e o 24 de abril, e o 14 de maio. Para o ano haberá máis ocasións para botar a voar a imaxinación, seguro. Queda pouco, pero aínda habemos quedar para algo máis, en breve!

KPACES creativos en Parga

Imagen
KPACES CREATIVOS  OBRADOIRO no  CEIP Santo Estevo de PARGA. O biblio equipo KPACES creativos de 1º da ESO,  levou o seu obradoiro creativo de FANZINE ao cole de Parga. A finalidade principal, visitar aos nosos veciños de Parga e xa de paso, pasar unha mañá xuntos creando. O alumnado da bilioteca do Poeta Díaz Castro, mudou a perfil monitor con todas as responsabilidades que iso acarrea e puxo a andar un obradoiro triple de fanzines creativos; emocianal, educativo e conto. Traballaron moito,  monitores e rapazada de Parga, descubrimos verdadeiros artistas; escritoras, deseñadoras e conta contos express. Velaí tedes exemplo dalgúns dos moitos traballos desta xornada. Grazas por acollernos!. Volveremos con novas ideas!.    

O pracer de desescribir

Imagen
Biblio equipo KPACES. Biblio Poeta Díaz Castro 1º ESO Equipo Biblioteca Sairon así de contentos do Poeta Díaz Castro, para presentar no CEIP Plurilingüe de Lagostelle, as súas tres modalidades creativas de fanZine;    emocional, educativo e creativo. O biblio equipo KPACES Creativas e creativos de 1º da ESO , membros tamén da R adio Fábrica de Poetas, traballaron   a contra reloxo   para preparar un obradoiro de FANZINE “ Desescribindo  Fanzine”. A rapazada de 1º ESO, pasou d o perfil alumno ao perfil monitor , visitando o cole coa finalizade de invitar aos nosos compañeiros e compañeiras do Club de Lectura do C.E.I.P Plurilingüe de Lagostelle a despalabrase e desdibuxarxe, fanZineando. Letras brillantes debuxaban células, tarxetas de viaxes a países imaxinarios, historias e romanos, bicos e apertas plasmados nos fanzines, dedicados ao mellor curmá, a avoa ou a o irmán pequeno. Escribiron con faltas de ortografía, co...

De cinza e San Martiño: lecturas variadas

Imagen
  O 10  abril contamos coa presenza de Christian F. Caruncho, que veu tivo un encontro-obradoiro co alumnado do CL xuvenil. A partir da súa BD O día de San Martiño  aprendemos a xerar unha secuencia de narración gráfica. Foi todo un éxito. As persoas adultas engadimos esta última obra á que estaba pendente de comentar, Las cenizas de Ángela . A reunión fíxose o 15 de abril, e aproveitamos tamén para ir poñendo en común propostas de lectura. Polo de agora anda rulando de man en mana O corpo de Cristo , de Bea Lema. Desta vez a xuntanza foi algo menos escura que cando falamos dos libros de Paula Carballeira 😅, como podedes ver.

Ilústrame! ,álbum.

Imagen
ILÚSTRAME!, álbum. Un álbum ilustrado desde o descoñecemento pode parecer algo sinxelo de crear, mais a máxia que garda mesturando unha boa imaxe ou debuxo coa literatura, isto é de nivel creativo superior. O biblio equipo KPACES de 3 ESO A e B, 30 alumnos da materia de Proxecto Competencial , propuxéronse crear un álbum contando a súa experiencia no que levamos de curso a  partir dun punto; o punto da nosa cámara estenopeica, o punto no enfoque das fotos de Ruth Matilda Anderson, o punto do crochet, o punto e as liñas de Castelao e as puntadas do deseño nos traxes de Laura Villar.  Aqui conta o traballo en equipo, coñecer os elementos de cómic e os procesos de edición, unhas tarefas complexas que nos levan a respectar aínda mais as ilustradoras e deseñadoras de álbum, a xente creativa e a importancia das bibliotecas na difusión destes recursos. Xa vos contaremos si damos rematado este proxecto.

Dous por un: Rosalía e Día da Poesía

Imagen
O mércores 25 voaron os versos de Rosalía de Castro e outras autoras e autores na nosa biblio, nun recital organizado polo Club de Lectura . Aproveitamos para presentar á autora de Padrón coas palabras de Begoña Caamaño en Rosalía pequeniña , pero tamén tiveron espazo poemas de X. M. Díaz Castro, o Colectivo Poético Rompente, Pura Vázquez, Marica Campo, Ramón Cabanillas e un texto de Paula Carballeira con acompañamento musical.  Alumnado do Club de Lectura durante esta actividade Á volta, reactívase o Club de Escrita, mércores e martes alternos!

Aviso 4: chega Rosalía

Imagen
  E despois de Paula Carballeira (ver embaixo), achégase a data de poñer voz aos poemas de Rosalía de Castro . En breve vai ser o recital para conmemorar o seu nacemento: o alumnado do Club de Lectura está fiando o guión para presentar os poemas elixidos este ano.   Tamén andamos xa coas seguintes lecturas de cómic: Enrugas de Paco Roca , e Adelina de Sandra Lodi . En relación coa banda deseñada hai outra proposta ao caer... polo de agora non se pode dicir máis. E logo retomaremos o club de escrita, aproveitando os textos que xurdiron no obradoiro de escrita de Paula Carballeira .  Materiais do obradoiro de (re)creación de María Gómez, e imaxes da actividade de Paula Carballeira Aquí podedes ver un resumo da súa visita, que deu ademais para un encontro coas persoas lectoras, e permitiu xuntar ao alumnado máis creativo de Guitiriz e de Vilalba.   Este vídeo de Ana Gómez amosa a versión musical do relato "A porta pechada" de Paula Carballeira, con melodía orix...

Deseño e creatividade con Laura Villar

Imagen
O biblio equipo KPACES, chega a un novo punto, no proxecto deste ano; o punto de encontro cunha deseñadora galega con moita raíz en Guitiriz; Laura Villar.  Laura foi alumna deste instituto, hoxe é o alumnado de 3 ESO de Prox. Competencial que a recibe para falar de deseño e creatividade. O equipo da Radio Fábrica de Poetas de 3 ESO, repasa os puntos e preguntas de interese para facerlle a Laura. Publicaremos momentos desta entrevista, na nosa canle biblioguiti you tube. O alumnado de 3 ESO, asistiu seguidamente a un obradoiro de deseño, no que tiveron tamén a oportunidade de descubrir en primicia algún dos últimos traballos, no que Laura Villar pasa dos versos rosalianos aos de Castelao a través de diferentes técnicas, fíos e tecidos. Non se lle pode pedir mais.  Grazas Laura por volver polo teu instituto, agardamos que sigas medrando como artista e que poidamos disfrutar aprendendo contigo.

Do punto ao verso. A viaxe creativa continúa.

Imagen
 Unha viaxe desde a fotografía aos versos. Chegamos ao mes de febreiro e mentras as cámaras estenopeicas do biblio equipo KPACES, recollen o movemento solar, investigamos sobre Ruth Matilda Anderson a fotógrafa que inmortalizou unha Galicia de hai 100 anos. A súa aventura inspiranos a recoller a través de cámaras fotográficas creadas artesanalmente por nós as pequenas cousas da vida cotiá; pararnos simplemente a observar. No terceiro trimestre continuamos as novas experiencias neste proceso creativo en torno ao punto, ao noso estenopo. Ruth Matilda inspira tamén a colección de deseño de Laura Villar que nos visitará nas próximas semanas. Aproveitamos esta visita para crear un taboleiro con debuxos e tipografías propias e acompañadas dos versos de Rosalía e Castelao . Escollemos estes textos pois axudaránnos a entender mellor a filosofía de raíz que ten a nosa proxima visita na biblioteca. Hoxe deixamosvos o resumen deste traballo creativo: ...

Aviso 3: convite de letras!

Imagen
A piques de recibir  Paula Carballeira, este mércores 4 , tocou poñer en común sobre as lecturas dela ás que lle botamos o dente: 13 avisos , Nunca mascotas e Alicia e a mestra de Oza .  E recoller os convites para os obradoiros desa xornada, na que tamén recibimos ao alumnado do Club de escrita do IES Basanta Silva de Vilalba . Vaia festa!

Entre versos e prosa, na espera

Imagen
Este 2026 @s do Club de Lectura volvemos con forza, con reunións os mércores e os venres nos recreos. Andamos preparando todo para cando veña Paula Carballeira, en febreiro . Coas súas obras como referencia hai quen le, hai que está facendo ilustracións, e quen ensaia para un recitado .  E falando de recitar... o Día de Rosalía vén vindo aí, e xa hai alumnado que se anotou para darlle voz aos seus versos e aos de outr@s poetas.  Todo isto, en febreiro. Logo virán actividades moi dinámicas. Ide preparándovos para unha primavera intensa!

Inverno / inferno de lecturas

Imagen
Novembro e decembro foron de cómic no Club de Lectura. El invierno del debujante de Paco Roca e O inverno do debuxante de Kiko de Silva deron que falar. O primeiro deu para reflexionar sobre os dereitos de autor e a historia dos tebeos en España. O segundo achegou aos máis novos moitas referencias do xénero, como podedes ver na segunda imaxe. De case todas había algún libro na biblioteca; algúns tiveron sorte e foron ás casas polo Nadal... Boas lecturas, non esquezades que seguimos véndonos á volta!

RETOS MATEMÁTICOS na túa biblioteca.

Imagen
RETOS MATEMÁTICOS 2025/26 Novembro mes da ciencia, comezamos co  concurso de RETOS MATEMÁTICOS! Un ano mais o departamento de matemáticas busca ese enigmas matemáticos que farán que só as cabezas mais brillantes cheguen ao final de curso resolvendo o maior número de enigmas. Pasádevos no tempo de lecer e collede lápis e papel. Adiante en 3,2,1...

Ondas cheas de ciencia na Radio Fábrica de Poetas.

Imagen
  OLFACTO CIENTÍFICO  Na Radio Fábrica de Poetas tivemos un novembro de lecturas científicas. Coñecemos a Eunice Newton; feminista que investigou sobre o efecto invernadoiro. Mergullámonos tamén neste mes de novembro na Foxa das Marianas, entrevistamos ao cerebro e estivemos a piques de quedar atrapadas nun burato negro. Alumnado de 1º ESO . Materia Proxecto Competencial. Programa Mes da Ciencia en Galego. Un programa emocionante que serviunos para dinamizar recursos e achegar a ciencia en galego á veciñanza e compañeiras. Somos o alumnado de 1º ESO  da materia de Proxecto Competencial, non deixedes de seguir os programas da nosa RADIO FÁBRICA DE POETAS, na canle de YouTube. Programa de Novembro. Mes da Ciencia en Galego Biblio Poeta Díaz Castro.

Avisos 1 e 2: lectores/as e recitadores/as

Imagen
A primeira xuntanza da rapazada, o mércores pasado, deu tempo para pouco. Hoxe comezamos a concretar as ideas que parecían saír voando naquel encontro.  13 avisos e Nunca mascotas van dar moito de si, xa vos iremos contando. Pero algún alumno devoto de Paco Roca atopou nos estantes O inferno do debuxante , de Kiko da Silva, e deunos para falar dos dous autores e dos seus proxectos. Tamén sumamos dúas lecturas (case tres) para este outono que semella vir ilustrado e de medo...  Iniciáronse as convocatorias específicas, neste caso o CL de poesía volve facer das súas! 

Cebolas e lealdades

Imagen
Veu o outono e a  sección de persoas   adultas reiniciou actividade. Combinamos conversa sobre A noite das cebolas , de Rosa Aneiros e Las lealtades , de Delphine de Vigan co resto de lecturas que caeron no verán nas nosas mans. Houbo devotas da francesa que xa levaron tamén As gratitudes .  A estas dúas novelas darémoslles outra volta aínda, que quedou xente sen poder achegarse botar un conto, pero xa comezamos a mover as seguintes: Ubasute , de Paula Carballeira e La paciente silenciosa , de Álex Michaelides .  Da polifacética autora de Maniños, que nos acompañará en febreiro, engadimos outras dúas pezas para ler a vontade: Nunca mascotas e 13 avisos , que estarán tamén acompañando á rapazada lectora estes meses.  E falando do alumnado... mañá vémonos na biblio para organizar a xeira de actividades deste ano, non esquezades vir para facer propostas!